Өскемен мен ШҚО Өскемендіктер "Жеңіс эстафетасын" қабылдады
Ұлы Жеңістің 80 жылдығына орай ұйымдастырылған халықаралық "Жеңіс эстафетасы" салтанатты түрде Ресей Федерациясынан Қазақстан Республикасына табысталды
Өскемен қаласы Қазақстандағы қалалардың ішінде алғашқы болып халықаралық "Жеңіс эстафетасын" қабылдады, деп хабарлайды Устинка LIVE тілшісі.
Бұл эстафета - ортақ тарихи жадымызды сақтау, ұрпақтар сабақтастығын қамтамасыз ету, бауырлас халықтар арасындағы достық пен ынтымақтастықты бейнелейтін маңызды рәміз.
Қазақстандық шекарашылар эстафетаны Ресей Федерациясынан салтанатты түрде қабылдап алды. Ел өңірлерін аралағаннан кейін эстафета Қырғыз Республикасына табысталмақ.
Өскемендегі салтанатты шара Жеңіс мемориалында гүл шоқтарын қою рәсімімен басталды. Іс-шараға Шекара қызметінің әскери қызметшілері, ардагерлер ұйымдарының өкілдері, тыл еңбеккерлері, жастар мен мектеп оқушылары қатысты. Облыстық филармонияда тақырыптық концерт өтті.
Жеңістің мерейтойлық жылын Өскеменде Ұлы Отан соғысының 7 ардагері және оларға теңестірілген 2 мыңнан астам адам қарсы алуда. Әрбірінің өмір жолы - ерлік пен төзімділіктің жарқын үлгісі.